Пресвятая Богородица моли Бога о нас!
Перед Иверским образом Богогородицы молятся об исцелении абсолютно разных, в том числе самых тяжких, болезней. О ниспослании помощи против нечистой силы. Об избавлении и обхождении разных бед и тяжких обстояний. А также при разных жизненных обстоятельствах. Тропарь, глас 4:
От святыя иконы Твоея, о Владычице Богородице, исцеления и цельбы подаются обильно с верою и любовию приходящим к ней: тако и мою немощь посети, и душу мою помилуй, Благая, и тело исцели благодатию Твоею, Пречистая.
Кондак, глас 8:
Аще и в море ввержена бысть святая икона Твоя, Богородице, от вдовицы не могущия спасти сию от врагов, но явилася есть хранительница Афона и вратарница обители Иверския, враги устрашающая и в православной Российстей стране чтущия Тя от всех бед и напастей избавляющая.
Молитвы Пресвятой Богородице перед Ея иконой, именуемой “Иверская”. Молитва:
О Пресвятая Дево, Мати Господа, Царице Небесе и земли! Вонми многоболезненному воздыханию душ наших призри с высоты святыя Твоея на нас, с верою и любовию поклоняющихся пречистому образу Твоему. Се бо, грехми погружаемии и скорбьми обуреваемии, взирающе на Твой образ, яко живей Ти сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о, Мати, всех скорбящих и обремененных! Помози нам, немощным, утоли скорбь нашу, настави на путь правый нас, заблуждающих, уврачуй и спаси безнадежных, даруй нам прочее время живота нашего в мире и тишине проводити, подаждь христианскую кончину и на Страшнем Суде Сына Твоего явися нам милосердая Заступница, да всегда поем, величаем и славим Тя, яко благую Заступницу рода христианскаго, со всеми угодившими Богу. Аминь.
Администратор сайта |
Депутат Совета депутатов городского округа Люберцы 
